Poesie
Questa sezione racchiude le poesie di Stefano Neri, compagno e ciclista del nostro gruppo dal 1998.
A Franco Benzi
Dedicato alla memoria di Franco Benzi, indimenticabile compagno di pedalate conscio della malattia fedele all’appuntamento con la Vecchia Signora nobilmente scelse di correre fino a spiccare l’ ultimo volo.
U’ièra un tèmp,
che un’è miga una màsa…
un amìg ad pidalèda
che sà nun è fèva strèda
Lò l’andèva de sù pàs
…ma l’ariveva sempra in zim’è pàs
L’aveva l’entusiasme d’un burdèl
quand è spinzèva sì pidèl
Nunustent al sù magagni
ui piasèva ad fè al muntagni
L’è stè i lè
che un dè
u sà lasciè
A la fine de sù zìr
l’ha spèc è vol …
e l’è andè in zil
Rimini, Gennaio 1999
A Marco Pantani campione romagnolo
Questi versi in dialetto romagnolo sono dedicati a Marco Pantani campione romagnolo di ciclismo.
Con le sue imprese ineguagliabili ci ha regalato straordinarie emozioni
Qualche giorno addietro, transitando in via Destra del Porto a Rimini, mi è capitato di vedere Marco in allenamento.
Questo incontro straordinario, casuale ed imprevisto, mi ha fortemente emozionato e ispirato questi versi in dialetto romagnolo che umilmente a Lui dedico.
A t’hò vèst l’altri dè… s’è port ad Remni… ora ad magnè.
Ho vèst stè curidor in bicicletta cl’avniva aventi
lizir com una piòuma….
è fèva frulè i pidel com’ una farfàla agl’eli.
A l’ho incrusè s’è sguèrd… a l’ho arcnusù….
L’è Marco… È nòst Campioun !
T’un lèmp um’è avnù in mènt al tu impresi…
S’è Mortirolo, è pas Fedaia, è Galibier
T’scapevti fura da è gròp che l’ansimèva…
In pìd…. sòra i pidèl
T’camzìvti la tu dènza furibònda ..
T’butivi via è brèt… e…
Com’un Dio dl’Olimpo…
Slà tù ràbia e sè tù ardòr stciantèvte tòt i curidour.
Quant’emuziòun t’ha sè fàt gòd….
Da i tèmp ad Fausto Coppi un suzidèva piò.
Dai Marco, das’ stà sudisfazioun, artorna è nòst campioun.
Fàs gòd….ancora una stasoun.
Rimini, Aprile 2000
E’ nòst gròp, che bel gròp !
Dedicato ai ciclisti veterani dell’Endas
Nun a sèm propri un bel gròp,
per dò piedi e un pò ad parsòt
arivem in dimpartòt….
Se pò a trùvem un usteria
a fèm festa in allegria.
U i’è MATTEO l’avuched,
che si com cl’è i sè eduched
il han fàt è presuident,
GUIDO ASTOLFI, è ragiunier,
il hàn fàt è nòst cassier
BENIAMINO, è sicilien,
è fà è sponsor dè sù pèn
PEO VANDI, è cazador,
è fà enca è piscadòr
ma è suzed sempra più spess
che lò un ciàpa nè caza nè pess
U’iè MAURIZIO ad MAGALOT
chè và fort su m’è Barbot
E RUGGERO, è professor ,
dov’c’la tèra la s’amuccia
…un gni tin ad fès ùnor !
U’iè SERGIO ad CASALBOUN
che da quand l’è andè in pensioun
u s’è mès ha fè è campioun
ma a la fine d’la stasoun
l’è piò còt ad un sardoun
E u’iè LEO cl’è inzgner e scalador
e che in salida è và in calor
ma dla mòì un sint gnenca piò l’udor
BUGLI ANTONIO è fà è pitor
ma in salida è và in dulòr
l’ha pròv tòt agl’ucasioun
ma un ha tròv la soluzioun
GAETANO è nòst dutor
è guaress tòt i dulòr
ma quand l’è sla bicicletta
un gne mezi ad fèl andè,
l’ha poca voia ad pidalè
è prella ad qua, è prella ad là
un sa mai du cl’ha d’andè
bast’ che faza l’ora ad magnè
U’iè ALDO ad FORASAS
ch’è va pien su per è pàs
ma quand l’è tonda la tèvla
lò us magna enca i sàs
e FERRARI cl’elt avuched
in discesa è và zò stès
s’là la penza pina ad sanzves
E pò u’iè ICO è nòst grand inzgner
che us dà sempra un bon bicèr
è a la fein dla pidalèda
us fà fè la sbiciarèda
ROCCHI e CIANO …chi burdèll !
l’è cumè si fòss fradell
se un è scàpa
cl’elt ul ciàpa.
In si làsa mai in drì
i sta un daventi e cl’elt di drì.
E u’iè CARLO PERAZZINI
che ormai… a forza ad caschè…
il ha bèla tòt arpzè
da’ la testa fin’ ai pè !
U’iè DE CAROLIS è professor
che ancora us fà unor
(gl’ha utant’ ann urmai sunèdi)
e anche se un’è piò un burdel
è zira ancora si pìdèl.
PEO VANDI s’è’ và a càza
più è spèra e più un maza
e se’è và a pesca…
lò è ciapa una verdesca
e se pò l’è un dè bòn…
lò è ciapa enca un bel tòn !
E che patàca che u v’ha scrètt
una volta è treva drett
è deva sempera drì ma tott’
invece adès l’è sempra l’utme de gròp.
Però adès che ho finì ad racuntèv….
a m’avrì da pardunè
se ma tòt an v’ò arcurdè :
la rasòun l’è cl’è fadiga
per tòt quànt truvè la rima !
…E a vè zùr burdèll
anche se a vò ciapè in zir
av’ voi ben
cum’è s’a fòsvi i mì fradèll !
Rimini, Maggio 2000
Dedicato alla Mariangela ex del gruppo… purtroppo (per noi!)
La Mariangela la và in bicicletta…
E la su grèzia las tin stretta…
Chi’i sta daventi… chi’i sta di drì…
Ma tòt quant ii guerda drì.
Rimini, Maggio 2000
La Pioppa
Quand’ ha s’era ancora un burdèl,
aveva 10-11 an, a m’instichèva sò per l’Eusa
tramèza chi canèd
Per zirchè la mì’avventura
e squerz è mònd ch’è stà masèd.
Un dè ho vèst n’a pioppa
tutta splòcca
c’la spuntèva sò t’è zil
e u m’è avnù la tentaziòun
ad fè è Tarzan d’l’uccasioun….
Una zòca dopp’ ad cl’elta
ai l’ho fata a rivè in zima
A scrutèva l’urizzount
da è mèr fina mè mount…
aveva è mònd sotta i mi pid
Am santiva un superom
perchè aveva dimustrè
che a l’aveva duminè.
Ma quand’l’è stè l’ora ad smuntè
u m’è ciap un bel scmantoun
an truveva piò la zòca
per v’nì zò da che truncoun
Ho fat piò d’un tentativ…
ma un gn’è stè modi ad puzè i pid.
U’ s’è ardòt che u s’è fat sera
e mè a s’era ancora i lè…
Am santiva un covanid
c’l’aspiteva la su mà
cl’al avnèss a purtè a cà.
Rimini, Aprile 2000
Chissà se t’arturnarè cum alora
Cum t’cìri bèla alora
quand’è prugrès, ancora,
l’aviva da vnì fòra,
e nun as divertimij
a fè è bagn t’è gorg d’Russùl,
a corr d’insò e d’inzò
per al tu rivi…c’agl’era bèli…
cum’è un zardein in primavera…
fiuridi ad violi, margheriti e pasqualott.
Sa cl’acqua cèra che t’at putivi spicè dreinta,
e quand t’avivi sèda,
ta la putivi bè… e sòtta…
è sguizèva è pèss ad tòtt al razi,
cavèdni, bèrb, inguèlli e cèppi culuredi
al ranòci pò ui n’era in quantità,
e al ciapèva è sol… in quà e in là
d’isdè sora la ninfa.
I raz i fèva è nid sora i tù èlbri
e tòtt’intorna la campagna
la sfughèva è sù vigòr.
Ma è prugrès u’ t’ha cambiè,
u t’ha ardòtt n’à fòssa puzzulenta,
duvè che tòtt i zcherga dla mundezza…
quanta tristezza.
Chissa, se un dè, t’arturnarè
cum’ c’a t’avem lassè.
Rimini, Aprile 2000
La bona azzioun ad Nadèl
A Nadèl, l’è tradizioun,
bsògna fè una bòna azioun
e mè… ho pansè ma Casalboun
Ai vòi fè una surpresa
in tl’agoun ad la cuntesa
Ai fàz vinz una vulèda
sora è pount ad l’autostrèda
I sè am mèt è cor in pesa
Rimini, Natale 2002
Nadel d’l’Arzdòra
L’è Nadèl….
La nosta Arzdora l’à preparè in quel
Un bel bròd per i Caplett
T’la padèla dò Galett
E per fnì un filoun d’Zambèla
Da afughè dreinta t’l’Albèna
Rimini, Natale 2001
Nadel dè Presepie
Nadèl l’è la festa d’un Burdèl
nèd tra un Bù e un Asinèl
Anche se il ha fat Rè
lò un’è ned dreinta un Castèl
ma l’è nèd dreinta una stàla
cuculèd da la sù Mama
Rimini, Natale 2002
Parco Marecchia
Fruscia agile il vento tra le fronde rinate …
mentre il prato infiorato rimanda profumi d’estate
il gaio fischiare del merlo allieta l’umore.
Sullo sfondo di un cielo lontano, il borgo
incornicia l’antiche vestigia
…Ma il fiume…dov’è?
Rimini, Aprile 2000
Auguri per L’ An Nov
Av fàz i’auguri per l’an nòv
perchè à sper ch’è sia piò bon
Innenzi tòt per la saluta…
perchè la vita i sè la luta
E pò, per è sentimènt…
perchè us’ fà stè ma tòt cuntènt
E per utmi, s’ l’arvanzess’, qualche baiòc…
per fè festa d’ogni tènt e sfughè l’oc’
Rimini, Capodanno 2003
Randonneur “Parigi – Brest – Parigi”
Nella bruma, luccicante
sotto i raggi del sole del primo mattino,
sulla strada che taglia nel bosco,
vaga una sagoma scura su due gambe che girano.
E’ una bici che và … verso Paris!”
Rimini, Agosto 2003
IL RITORNO (agonistico) DI SERGIO
L’ era un pò che Casalboun
l’ eva pèrs la cundizioun
Un’ andeva piò in salida
gnenca a trèl sò s’una zima
Per zirchè ad arciapès
u’sè arvolt anche m’un megh
Po’ i l’a vèst in farmacia
s’ na rizèta dla su Zia
Dop un’an ad patimeint,
ad fadighi e tribulameint,
pien pianin u’ s’è arplì,
u’ s’è d’arnòv ringaluzì …
e adess um fa patì.
Bentornato Sergio!
Rimini, Dicembre 2003
La rasoun d’la fadiga!
E’ nòst LEO, è scaladòr,
da un pò ad temp la pèrs calor
Us làmènta chè in salida
us’ né incort ch’ è fa fadiga
Me am’ sò preocupè
e in zir ho un po’ urcè
I dis c’la pers la cundizioun
per stè dri m’un putanoun’
Caro LEO, tè rasoun!
In salida us po’ fè anche fadiga
se la rasoun l’è stè la figa!
Vai Leo!
Rimini, Dicembre 2003
Libero!
Libero, come un uccel di bosco,
m’en vò p’el mare e la campagna
e a volte m’inerpico financo su in montagna
A respirar l’aere pregna di balsami e di odori,
dei boschi e delli fiori
A rimirar li paesaggi e i splendidi colori,
che il nostro bel creato
da sempre ci ha donato
E quando, a sera, il sol è tramontato
e mi sovviene la malinconia,
m’infilo dentro al letto e mi conforto
con la donna mia!
Rimini, Dicembre 2003
L’An nov!
Per st’An nov a voi fè un augurie
mi nost amig de Gropp:
Ma Sergio ad Casalboun
perché… us faza una rasoun
che ormai un’è piò la su stasoun;
Ma tott ch’ielt ai faz l’auguri
ad truvè sudisfazioun…
per tòtt quell che in’à avù da sta stasoun.
Bon An ma tott !!!
Ma Matteo è Presidènt
perché l’è inutli tot i’an fè al vutazioun,
tentè sarà sempra lò è nost Patròn;
Ma Guido è nost Cassier
perché u’ la smetta tott i’an
ad pianz miseria’
se ti cunt l’amenca
i sold cui toga in Benca;
Ma Aldo Forasass perché Berlusconi
dopp la lezza contra è fomm
‘un faza una enca contra è BE?;
Ma Andrea perchè…
sta atenti che ormai l’at tocca anche ma tè
(ad tò mòi);
Ma Leo è scalador
perché in salida l’artrova è su ardor;
Ma Peo è cazador
perché… l’usèl invece che cazèl
l’e mei duvrèl;
Ma Maurizio ad Magalot perché…
a Parigi l’è mei andè a fè è turèsta
invece che è ciclesta;
Ma Paolo Cavessi perché…
t’è bòsch l’è mei andè per còi i fòng
anziché andè per i fòss;
Ma Fabio è Pistador
perché u la smetta ad pansè mi sold…
l’è ora cl’artorna in biciletta
che u’s’amenca un che tira;
Ma Bugli Antonio
perché al machini novi il faza totti s’al porti zcurevli
perché sinà lò ui li demuless totti;
Ma Ico è nòst Inzgner
perchè… quand chl’è in bicicletta
le mei c’un pensa m’è lavor sinà l’è gran dùlor;
E Per utmi .. a nè putiva zcurdè
Rimini, 1 Gennaio 2005
